نثر

ایستر کؤنول

دولت عقلین قرارین بر قرار ایستر کؤنول

جبهه یه جهلین بساطین تارومار ایستر کؤنول

زاهیدین ظالیم نظامین سر نگون اولسون دیلر

حققی حققانییتی عدلی عیار ایستر کؤنول

قیش غمیندن جانه گلمیش بولبول آزاده تک

صحن گلزار وطن ده نو باهار ایستر کؤنول

ایللرین قات قات قالانمیش دردینین درمانینه

 

 

 

سئوگیدن مرحم آزادلیقدان تومار ایستر کؤنول

 

فقردن زوردان جهالتدن خورافاتدان ایراق

ائللره آزاد یاشام آباد دیار ایستر کؤنول

ظلم زنجیرینده توتساق قورتولوش عاشیقلرین

آغ قانادلی قوش کیمی آزاد اوچار ایستر کؤنول

آت حجابین سئوگیلیم حوسن جمیل اولسون عیان

گول اورزون گولشنده گول تک آشکار ایستر کؤنول

اسماعیل جمیلی