شعر

يوتيوب كليپه باخماق اوچون كليك ائدين


تريبون دان قيصا بير تقديمات: نهايت هرطرفه دوغرو سيفارش يوللاماق و هر بير مومكون يئرده سوراغيني سورمادان سونرا، استوكهولمدا ايللردن بري فعاليت ده اولان دورنا درنه­يي بو آچيلماز قالميش دوگونو آچيدي!

نئچه گون اٶنجه دورنا درنه­يي­ طرفيندان حصير آباد ماهني­سي­نين قرامافون والي­ني الده ائتديك. ميللي شاعير اسماعيل بي جميلي ده اونا بير گٶزل يوتيوب كليپ حاضيرلاييب، بو اسگي ماهني­يا يئني بير جان باغيشلادي.

 

 
ماهني­ني اوخويان  و ماهني­نين سٶزلري نين مٶلفي، هانسي ايلده ايلك ايفاسي و نه زامان قرامافون والينا يازيلماسي حاقدا هله ليك بيلگيميز يوخدور.   بو حاقدا تريبون سايتيندا يالنيش معلومات يايماق اٶجون عوذر ديله ييريك. آديني سهو اولاراق بو ماهني لا باغلي چكدي ييميز حسن حسين پور تبريزي نين عائيله عوضولري آوروپادا ياشاييرلار و مرحوم اينقيلابچي، سينديكالسيت وشاعيرين ترجومه حال و شعرلري اليمزه چاتان كيمي نشر ائده جي ييك.حصير ماهني سي حاقيندا معلوماتي اولانلاردا خواهيش ائديريك كي بيلديكلريني بيزه يازسينلار. ماهني نين سٶزلريني بيز بيرباشا قرامافون واليندا اولان آئوديو ماتريالين اوزوندن كٶچورموشوك و بوردا كيچيك سهولره يول وئرميش اولا بيلريك. البته بيز موموكون قدر كونترول ائتميشيك . (تريبون)

 

ماهني­نين سٶزلري:

 





حصير آباد
سن ده گز تهرانى بير، شؤوق ايله آرتسين هوسين

گؤر گيلن تازه‌گلين جور به جوره منظره‌سين
  عرشه قوزانميش اولان توستولو كرپيچ
کوره‌سين
بو گؤزل تهرانيمين گزمه‌لى هرزادينا باخ
سنگر و جيبهه‌يه بنزر حصيرآباديما باخ!

حصيرآباد دئييرم بير گؤره‌سن تنگه لرين

نه اوزاقدير، نه ياخيندير، نه درين دير نه سرين
يايدا بوزلاق کيميدير، قيشدا بهيشتدن ده سرين
اوردا مسکنلر اولان بير وطن ائولادينا باخ
سنگر و جيبهه‌يه بنزر حصيرآباديما باخ!

گل سيزه تعريف ائديم دروازا قزوين­ده نه وار

اينسانى واله ائدير وقتى گلير آدى ديله
گز گيلن  هر طرفين هر کوچه‌سين،  ديقتيله
د
ائيم ارسيز ياشايان اللى مين آروادينا باخ
سنگر و جيبهه‌يه بنزر حصيرآباديما باخ!

دروازا ايشلرينين يوزده بيرين هئچ دئميرم

جيب برين
، چاققى کئشين، باشقا ايشين سؤيله‌ميرم
يازيرام حقى داداش، من کى، گوناه ائيله‌ميرم
يئددى مين شيره‌خانانين گه بي تعدادينا باخ
سنگر و جيبهه‌يه بنزر حصيرآباديما باخ!

واردى تهراندا دمير يول بير بؤيوک کؤرپوسو وار

گئجه-گوندوز اورا اون مين دنه بئکار ييغيشار
هاميسى سبزى سوغان، يا كي  يئرآلماسى ساتار
چؤرک آواره‌سيدير، ناله و افغانينا باخ
سنگر و جيبهه‌يه بنزر حصيرآباديما باخ!

باخ گيلن شيمرانا سن، بير نظر ائت داغلارينا
اوندا احسن دئيه‌سن موفته‌خور اويناقلارينا
)
اوردا وئل-وئل دولانيب کئف چکن آخماقلارينا(
داهي بسدير بو قدر تهرانى چوخ پيسله‌مه‌يين
بو گؤزل تهرانيمين آدينا بؤهتان دئمه‌يين

تانيميرسان بيليرم لاله‌زارى، شهريضانى

يئمه‌ييبسن اورادا بير تيکه الوان غذانى
هله سن چيخ مچيده سؤيله اوجادان اذانى
يا چکين شيره-حشيش، کالباس و مالباس يئمه‌يين
بو گؤزل تهرانيمين آدينا بؤهتان دئمه‌يين





 

 

حصير آباد ماهني سي: قرامافون واليندان كٶچورولموش سس و يئني يوتيوب كليپ كيمي

قيصا بير تقديمات:
نهايت هرطرفه دوغرو سيفارش يوللاماق و هر بير مومكون يئرده سوراغيني سورمادان سونرا، استوكهولمدا ايللردن بري فعاليت ده اولان دورنا درنه­يي بو آچيلماز قالميش دوگونو آچيدي!

نئچه گون اٶنجه دورنا درنه­يي­ طرفيندان حصير آباد ماهني­سي­نين قرامافون والي­ني الده ائتديك. ميللي شاعير اسماعيل بي جميلي ده اونا بير گٶزل يوتيوب كليپ حاضيرلاييب، بو اسگي ماهني­يا يئني بير جان باغيشلادي.
ماهني­ني اوخويان حسين پور تبريزي دير. ماهني­نين سٶزلري نين مٶلفي، هانسي ايلده ايلك ايفاسي و نه زامان قرامافون والينا يازيلماسي حاقدا هله ليك بيلگيميز يوخدور. اينترنت سايتلاريندا، حزب توده­يه منسوب اولان سايتلار يا بو پارتيانين قايناقلارينا دايانان بير سيرا معلومات واردير. حسن حسين پور تبريزي اصلينده 1925-جي ايلده باكي­دا آنادان اولوب، 5 ياشيندا عائيله­سيله ايرانا گلميش و 1362-جي ايلين ارديبهشت آيي­نين 31-ده تهرانين شريعتي خسته خاناسيندا، ايران اسلام جمهوريتي نين زندانلاريندا معروض قالديغي آغير ايشكنجه­لر نتيجه سينده وفات ائتميشدير.
حسن حسين پور تبريزي 1322-جي ايلدن، حياتي­ني سونونا قدر حزب توده ايران-ين عضوي اولموشدور. بو ايللرده او فعله­، سنديكاليست فعال، شاه و اسلامي رئژيملرده سياسي زينداني و حتي "رئیس امور اداری صنایع فلزی ایران" كيمي چاليشميشدير. او، او جومله­دن "پيمان" تخلصي­ايله شعرلر يازميشدير. حسين پور تبريزي­نين بير سيرا خاطيره­لري 1360-جي ايلده بير ماي بايرامي­له باغلي نشرو اولموش "اتحاد" آدلي ژورنالين 97-جي ساييندا درج اولموشدور.

حال حاضيردا اينرنت سايتلاريندا وار اولان يازيلاردا، حزب توده ساياغي حماسي يازيلار چوخ اولسادا، "حصير آباد" ماهني سي­نين حاقيندا بير سٶز يازيلماميشدير.


ماهني­نين سٶزلري:
حصير آباد
سن ده گز تهرانى گؤر، شؤوق ايله آرتسين هوسين

گؤر گيلن تازه‌ليگين جور به جوره منظره‌سين
هردم اودلانميش اولان بير سورو کرپيج کوره‌سين
بو گؤزل تهرانيمين گزمه‌لى هرزادينا باخ
سنگر و جيبهه‌يه بنزر حصيرآبادينا باخ!

حصيرآباد دئييرم بير گؤره‌سن سنگلجين

نه اوزاقدير، نه ياخيندير، نه ده هوندور، نه درين
يايدا بوزلاق کيميدير، قيشدا بهيشتدن ده سرين
اوردا مسکنلر اولان بير وطن ائولادينا باخ
سنگر و جيبهه‌يه بنزر حصيرآبادينا باخ!

گل سنه تعريف ائديم دروازا قزوين­ده نئجه

اينسانى واله ائدير وقتى گلير آدى ديله
گز گيلن هر کوچه‌سين، هر طرفين ديقتيله
اوردا ارسيز ياشايان اللى مين آروادينا باخ
سنگر و جيبهه‌يه بنزر حصيرآبادينا باخ!

دروازا ايشلرينين يوزده بيرين هئچ دئميرم

لوتوسون، چاققى کئشين، باشقا ايشين سؤيله‌ميرم
يازيرام حقى داداش، من کى، گوناه ائيله‌ميرم
يئددى مين شيره‌خانانين جمع و تعدادينا باخ
سنگر و جيبهه‌يه بنزر حصيرآبادينا باخ!

واردى تهراندا دمير يول و بؤيوک کؤرپوسو وار

گئجه-گوندوز اورا مينلرله ده بئکار ييغيشار
هاميسى سبزى سويار، يادا  يئرآلماسى ساتار
چؤرک آواره‌سيدير، ناله و افغانينا باخ
سنگر و جيبهه‌يه بنزر حصيرآبادينا باخ!

باخ گيلن شيمرانينا، بير نظر ائت داغلارينا
اوندا احسن دئيه‌سن موفته‌خور اويناقلارينا
اوردا وئل-وئل دولانيب کئف چکن آخماقلارينا
داها بسدير بو قدر تهرانى چوخ پيسله‌مه‌يين
بو گؤزل تهرانيمين آدينا بؤهتان دئمه‌يين

تانيميرسان بيليرم لاله‌زارى، شهريضانى

يئمه‌ييبسن اورادا بير تيکه الوان غذانى
هله سن چيخ مچيده سؤيله اوجادان اذانى
يا چکين شيره-حشيش، کالباس و مالباس يئمه‌يين
بو گؤزل تهرانيمين آدينا بؤهتان دئمه‌يين