شعر

(هر 3 بٶلومو)

 آریا قومودی داش مشدی دی داشدی قافاسی

سؤزونون صحبتینین قاسدی یالاندی مایاسی

هامیسی یاخشیدی   یوخدی یاواسی

بوش باشیندا دولانار

کئچمیشین عقلی کورالدان هاواسی.

 

 

 آریا قومودی

پیغمبری فردوسیدی کوروش باباسی

شاهنامه کتابی مرکز قدرت یوواسی

کعبه سی قبله سی لندن

قاریمیش کوهنه ماسونلار ماماسی

پول داغارجیغی واشینگتون

روسوفیللر تایاسی.

 

آریا قومود ی هئچ قوما جالاشماز

بالاجا خرداجا فرهنگ وقبیلیله قاریشماز

کشف اولاندان بئله دیر افسر وبرتر

یونتالانماز دئییشیلمز قالاجی ثابت وبهتر

بوش سؤزون ادعانین لاپ اؤزودور

عملین حکمت وعقلین هاوادا دیلده دوداقدا سؤزودور

یارانان گوندن اهورایی دی

انسانلا بشرله بشرییتله   باریشماز.

 

آریا مکتبی دیر

بیر آز ییغما بیر آز الده قاییرما

بیر آز مونتاژ داخیل بیر آز اؤزگه دن آلما

جعلی رنگه بویانیر کن شووونیزمین تیانیندا

باسا باس منطیقی حکمیله شیشر ملّت اولار

پرسیا اسگیسینه بورگه له نر دولت اولار.

 

آریا قومونا دقّتله گولوم ائیله نظر

چوخ گیریشمه آییق اول واردی خطر

سولونوندا ساغینیندا ثمری یوخدی بیزه

بوزونوندا آغینیندا ضرری چوخدی بیزه

کئچمیشی تاریخی بیر یادینا سال

ائلینین تورپاغینین قیدینه قال

واردی افشین کیمی یوزلرجه مثال

آریا قومودی میدان فریلداقدا تهمتن

گولوشویله گؤروشویله   گوجو آللاتمادادیر

یاماییب بیر بیرینه   کوفلو   مالین ساتمادادیر

بیزه گلدیکده اؤزون خا لص و پاکیزه بیلر  مظلومودا ظالیمیده

تانیماز حق برابر بیزه دیوانه سیده عاقیلیده

بیزه بیر گؤزده باخار   عالیمیده جاهیلیده

اؤزونو شش چپ واعلا دوشونر ناقیصیده کامیلیده.            

 

بو بلالر کی بو گون نازیل اولور

دیلی داغلی قولو باغلی ائلیمین رنگی سولور

یارالی کؤنلوموزه درد و غم و غصه دولور

هامیسیندا شووینیزمین الی وار بارماغی وار

بو قودورقان ایلانین یوز دونو یوز جایناغی وار......           اسماعیل جمیلی

 

 آریا قومو (1)

 آریا قومودور برتردی اصیل ومامانی

 

معماری نقشه سی لندن    

 

                                 ساخت آلمان قالانی

 

ناظری   تاییدی روسلار ، تاواریش ال چالانی

ساغدوشو سولدوشو داشناک   ، ماسونی توی توتانی

اؤزگه لر

 

بالاجا     جزئی   خیریم خیردا

 

بیر آز لهجه   بیر آز   قوم وقبیله

 

فولکولور   شلته تومان

 

                                 کئچه بؤرک   چؤلده چوبان

 

قارا باش مال داوارین اوتلاماسی

 

کندلرین یاپباسی پالچیق کوماسی

 

آریائی دئمه سن سن اؤزونه

 

فارسی یوخ     تورکونو قاتسان سؤزونه

 

                            کوروشون قلبی سینار

 

                             داریوشون میلی کوسر

 

                           طاق کسرا تیتیره ر

 

                           باربدین چنگی مئزه ر

 

فارسینی اوستون اگر سانمایاسان

 

فارسیدان اولمایانی   دانمایاسان

 

                        آره شین تیری سینار

 

                         یئرتیلی گیوین گیوه سی

 

                         رستم زالی یخار

 

                       رزمده تورون نوه سی

 

                       ساق سودابه نی سانجار

 

                       سرابین   بوز بو وه سی

 

                                 آزالار فرّ کیان

 

                                 شاه دؤنوب   مهتر اولار

 

                                 جام جم   لب پر اولار

آریا ائولادی خالص دی مدرن و مامانی

 

چیخیب اؤز آدینا

 

                     کوللی   ایرانی

 

هنری بابا کرم ، سیرابی شیردون ، بورانی

 

نژادی   تاریخی برتر

 

دیلی شکرّ  

 

قد و بالاسی صنوبر

 

هر زامان دشمنه پیروز

 

عید نوروز

 

حاجی فیروز

 

عیب سیز پاک و منزّه

 

همی دیروز   همی امروز

 

               بورا میهن دی ولی فارس اولانین

 

               دیلی ، فرهنگی یاساقدیر   قالانین

 

                     انگلیسین بئزی دیر

 

                     پهلویلر تئزی دیر

 

                     بورا ایراندی بالا  

 

                     فارس لارین مرکزی دیر

 

ترکی ، کردی ، عربی اؤزگه دی

 

                            آز اولمالیدیر

 

یئرینه   فارسی   اودا

 

                         لهجه تهرانی ناز اولمالیدیر

 

هامی بیر دیلده تراز اولمالیدیر

 

 

 

ایسته سن اولمایاسان تجزیه چی

 

کومونیست ،دین سیز ایمانسیز قره چی

 

فاناتیک ، سامی ، مغول

 

               عامل خارج   همه چی

 

آریائی اؤزونو بیلمه لیسن

 

قالانا جوک دوزه لدیب گولمه لیسن

 

         اولما نان کور

 

                 سنه بخش ائتدیییمیز فورصتی گؤر

 

بو قدر واردیر آزادلیق سنه کی

 

اؤز دیلینده آناوی سسله یه سن

 

اؤز ائوینده آبا سو  

 

           خوابه   یوخو سویله یه سن

 

         گرنه شه سن ، اسنه یه سن

 

         کوچه ده باقّال ایلن   چاقّال ایلن

 

                               سؤیله شه سن

 

قالانی

 

         کودکستاندی

 

         دبستاندی     بخش ایدی   استاندی

 

         دانشگاه و دستاندی  

 

       تارخ ایدی   قاستاندی

 

                     فارسی گرک اولسون

 

                     امریه یه لندن دیر

 

                     فرموده تهراندی

 

                   توانا بود هرکه با ما بود

 

                 به فارسی فقط فرد دانا بود            

 

     

آریا قومو   (2)

 

آریا قومو نه میدان اوخوسان اؤزاؤزونه

 

ساپلیسان مین یالانی دوغرویا ، ترسی دوزونه

 

گونده دولت تیانیندا بویاییب

 

سئودیگین نقشی سالیرسان بئزینه

 

ناغیلی، تاریخی اویدورمالاری

 

ملی اؤرتوک ائدیسن

 

قینانیلمیش ، چوروموش

 

قومو راسیزمین تئزینه

 

بو قده ر اولما قودورقان

 

بوشونا یورما اؤزون

 

وارلیغیم گون کیمی گرچک دیر

 

گوروب یومما گؤزون

 

اوندا کی ، بیری وارایدی - بیری یوخ

 

بیری تولکیدی

 

بیری سیسقا تویوخ

 

سون   " قجر" ایمه دی باش

 

               سؤیله دی   " یوخ 

 

اجنبی قوللوق اوچون

 

بخش ائله دی   تاج سنه

 

ائتدی قولدورلوق ایلن

 

ئولکه نی تاراج سنه

 

اولدو مشروطه تالان

 

دولدو یئنه دوستاقلار

 

اؤزدو جانیندان الین

 

وئرمه دی کیم   باج سنه

 

کئچدی گونلر ، اؤتدو آیلار

 

سوردو ایللر

 

دیلی باغلی ، قولو باغلی

 

دؤزدو هر محنته ائللر

 

اسدی یئللر   ، جوشدو سئلر

 

ونهایت ، گون گلیب اولمادی

 

ارباب   دخی محتاج سنه

 

ماللانین آچدی یولون

 

دورما دئدی قاچ   سنه

 

" آریا مهر"ریویلن ائیله دی آواره سنی

 

قویدو یالقیز آغاسیز بیکس و بیچاره سنی

 

 

 

 بسدیر اویدورمالارین

 

گرچگی ترس دویمالارین

 

ائیله عبرت گؤزون آچ

 

بو یئنی دنیانی دوشون

 

ملت آزادلیق ایلن قوردوقو دورانی دوشون

 

دیلی آزاد ، دینی آزاد ،

 

سؤزو آزاد ، اؤزو آزاد

 

هامی انسانلاری بیر گؤزده گؤره ن

 

هپ برابر سانان   انسانی دوشون

 

هره بیر رنگ ده ، بیر عطر ده ، بیر نقش ده

 

آچیلان گول چیچگی ، گوللو گلستانی دوشون

 

خوش گؤرو ،خوش دویونون وئردیغی فرمانی دوشون

 

بوتون انسانلیق اوچون شن یاشانان   آنی دوشون

 

                                                                                               اسماعیل جمیلی