شعر

D Latif 

 

آلمانيا نين كؤلن شهري، 21 آذرين 69-جي ايلدؤنومو موناسيبتيله كئچيريلن سئميناردا چيخيش­ين متني.

 

 

حؤرمتلی قوناقلار، عزیز دوستلار!

 

 

آلمان دیلینده، آزادلیق کلمه سینین، چوخ دقیق، و گئنیش معناسی وار.

آزادلیق، بو دیلده، ایمکانات معنا وئریر! (.....) امکاناتسیزهئچ بیر شئی یارانماز، و حتا حیات و وارلیقدا، ایمکانات طریقله یارانیب. بیر انسان و یا بیر ائل، طبیعتین بیر پارچاسی اولاراق، حیاتین سورمگ ایچون، و دیلین، تاریخین، کولتورون یاشاماق ایچون، اؤز ایمکانات لارینا، صاحب اولمالیدیر.

 

 

ارسطو یونان فیلسوفو، تقریبا 2500 ایل بوندان قاباق دئییب: طبیعی شکیلده باخاراق، انسان بیر سیاسی مؤوجود دور. یعنی انسان، سیاسی دوغولور، و سیاسی یاشاییر! ارسطو سیاستین معناسیندا دئییر: سیاست، نظم ادارات دئمکدیر. (....) اما بیر قرنه یاخیندیر، کی ایران آدلانان اؤلکه ده، شاه و شیخ رئژیمینین دؤولت سیستمی، و اداره نظمینین هدفی، میللتلره خوشبختلیک یوخ، بلکه هدفی، اونلاری باسقی آلتیندا ساخلاماق، زیندانلاردا چوروتمک، آغیر شکنجه، و اعداما محکوم ائله ییب، و حیاتی خلق لره، جهنم ائتمک دیر.

 

بو سببدن آذربایجان مللتی ده، تقریبا یوز ایللدیر کی، بو دیکتاتورسیستم لرین قارشیسیندا، مبارزه ایچینده دیر. دئمک کی، بویولدا، شیخ محمد خیابانینین نهضتیندن( 1299)، ستارخانین مشروطه حرکتیندن، تا ( 21 آذر 1324) ده آذربایجانین ملی حکومتینین قورولوشو سیدجعفر پیشه وری نین رهبرلیگیله، کی پهلوی رژیمینین سلاحلی قوشونونون هجومو، و آغیر باسقی، و قتل عاملارلا، اوز به اوز اولوب، اؤز قانینا بویانیب دیر، بو مناسبته گؤره، بیر قصا مطلبله صحبتیمه خاتمه وئریرم.

 

21 آذر قهرمانلارینین خاطره سیله

 

ایگیرمی بیر آذر

 

مین اوچ یوزله، ایگیرمی دؤرد، باهار اولدو،بتون خلقه

خوش او آذر، ایگیرمی بیر،کی خاطیرده،گولوستاندیر

اسر کن جنّتین عطری، اولاردی باغ و بستان خوش

اگر جننت دئسم، او ایل، بو خلقه سانکی بستاندیر

 

 

اسه ردی شور آزادلیق، صبا عطری، صفای جان

کی سانکی، اؤلکه ده باغلار، سرای لعل مرجاندیر

هوای شور   و   آزادلیق،   آذربایجاندا  قووزاندی

خزر تک، دالغالار جوشدو، سهندین قلبی ولکاندیر

 

 

بو اؤلکه، قهرمان یوردو، دوشوب محنتلره ایللر

یوز ایللر دیر، داها خلقه، نگؤر وحشتلی زیندادیر

کمین اولدو تاسفله، کی دوشمان، گؤرنه بو خلقه

خزان اولموش، نگؤر جننت، سرای غمله   احزاندیر

 

 

گینه تکرار اولوب تاریخ، وطن داردا قالیب  ایللر

کی بیرلیک اؤلکیه مرهم، و همده درده درماندیر

حذر، فریاد اولار حلقوم ، کی تکلیکده، ظفر یوخدور

یاخین دور ائللره قارداش،کی یول وحشتلی توفاندیر

 

 

سالیبدیر اؤلکه یه وحشت، کی گرداب اجل ایللر

هیولا دیر بو استعمار، کی بو ظولمات، آخان قاندیر

چکیب حمله، اجل خلقه، کمین اولموش قارانلیقلار

یوز ایللر دیر، کی بو اؤلکه، یانان مظلوم، بیر جاندیر

 

 

گئجه حایل،و طنگرگین، قارانلیقلار توتوب، وحشت

هارای یوخدور،کی بیرکسدن، حیاتین دالغا طغیاندیر

فلاکت حکم اولوب خلقه، نگؤرمظلوم، دوشوب درده

کی فریاد و فغان، سسلر، داها حلقومدا عصیاندیر

 

 

اؤزوندن باشقا بیر یاردیم، سنه یوخدور، بیر کسدن

کی یالنیز، آرخا مللت دیر سنه، ایللرله نالاندیر

گوجون اولسا، بیرلیکله، ائده رسن خلقینه چاره

توانسیز حتا دؤولتده، قورولسا، بیل کی تالاندیر

 

 

قنیمه باغلایان بئل، چون آتار، اؤ خلقینی گؤزدن

ده برسه، حلقومو داردا، دیلی تک همده نیسیاندیر

باخیرسان تاریخا ایللر، اولوب اؤلکه وطن ویران

قالارسا، ظولم ائوی بر پا، گینه خلقیم پریشاندیر

 

 

اولوبدور قلعه ی زیندان، بتون دولت مدار،  ایران

گئدیب انسانیت یئردن،  عدالت خانه   ویراندیر

ائدیب دوشمان نگؤرحمله، وطن قالمیش یئنه داردا

جنایت اللری   قاندیر،   رذالت له،   نه   شیطاندیر

 

 

یاخین دورخلقینه قارداش،زامان یوخدورحیات گرگین

بو یول، آزادلیقا دوغرو، وطن عشقی و   ایماندیر

هامی گلسین،بوتون قیزلارو اوغلانلار،جاوان،یاشلی

گئنیش آزادلیق اوردوسو، کی یالنیز رزم میداندیر

 

 

بونو بیلسین خیانتکار ، دغلکار،   همده    ظالیملر

داها   وئرمز،   ائلیم   فرصت،   جنایتکارا   اعلاندیر

وطنسیز یوخ سنه یاردیم، بونو چون گوستریر تاریخ

آزادلیق خلقیمه یالنیز، کی   عصیانلا،   ایمکاندیر

 

 

بو اؤلکه بیرلیگه دوغرو، ساوالاندان آخار   طغیان

جوشارخلقیم،کی توفان تک، ظفرله عهد و پیماندیر

باهاری چون خزان اولدو، وطن او سئوگیسین گؤزلر

آزادلیق دردینه مرهم، کی عشقی، عشق جاناندیر

 

د. لطیف

 

13.12.2014