راسیسم

Gandi-Hitler

سیزه بئله مراجعت ائتمه‌يیم – سؤز نامینه سؤز دئيیل. منیم دوشمنیم يوخدور. عومرومون سون 33 ایلی منیم آماجیم سویوندان، دریسی‌نین رنگیندن، دینیندن آسیلی اولماياراق بوتون اینسانلارین دوستلوغونو قازانماق اولوب.

 

بیرینجی مکتوب

واردخا 23 ایيول 1939

جناب هیتلئره، بئرلین، آلمانیيا

عزیز دوست،

دوستلار منی دیله توتورلار کی، بوتون بشریتین خلاصی نامینه سیزه مراجعت ائدیم. آمما من اوزون مدت اونلارا قولاق آسمیردیم. چونکی دوشونوردوم کی، سیزه يازماقلا بؤيوک تربیيه‌سیزلیک ائتمیش اولاردیم. لاکین ایندی من حیسس ائدیرم کی، نتیجه‌سینی دوشونمه‌دن و نه باهاسینا اولورسا، اولسون سیزه مراجعت ائتمه‌لیيم. ایندی اینسان اؤولادینی وحشیلیک هددینه چاتدیراجاق محاربه‌‌نین قارشیسینی آلماق يالنیز سیزین الینیزده‌دیر. بیر دوشونون، مگر نئجه اهمیتلی گؤرونمه‌سیندن آسیلی اولماياراق، هر هانسیسا مقصد نامینه بو قیيمتی اؤده‌مه‌يه ديَرمی؟ اومید ائدیرم سیز شعورلو شکیلده زورو رد ائتمیش، آمما بونونلا بئله اؤز ایشینده اهمیتلی اوغورلار قازانمیش بیر اینسانین سؤزونو يئره سالماياجاقسینیز. ایسته‌نیلن حالدا اگر بو مکتوبو يازماقدا سهو ائتمیشمسه، سیزدن عذر ایسته‌يیرم. حؤرمتله، م. ک. قاندی

ایکینجی مکتوب

24 دئکابر 1940

عزیز دوستوم، سیزه بئله مراجعت ائتمه‌يیم – سؤز نامینه سؤز دئيیل. منیم دوشمنیم يوخدور. عومرومون سون 33 ایلی منیم قايم ایرقیندن، دریسی‌نین رنگیندن، دینیندن آسیلی اولماياراق بوتون اینسانلارین دوستلوغونو قازانماق اولوب. بیز سیزین شوجايتینیزه و وطنه صداقتینیزه شوبهه ائتمیریک. بیز همچی‌نین رقیبلرینیز سیزی ظالم و ایيرنج بیری کیمی تقدیم ائتدیکده اونلارا دا اینانمیریق. بونونلا بئله سیزین و طرفدارلارینیزین يازدیقلارینیز و دئدیلکلرینیز بیر چوخ عمللرینیزین هئچ شوبهه‌سیز ایيرنج و قئيری-اینسانی اولدوغونا دلالت ائدیر. اودور کی، بیز سیزین سلاحینیزا اوغور آرزولامیریق. بیز بریتانیيا ایمپئریالیزمینه قارشی تپکیمیز هئچ ده ناسیزمه اولان تپکیمیزدن آز دئيیل. لاکین بونونلا بئله بیزیم مقاومتیمیز اینگیلیس خالقینا ضرر يئتیرمه‌يه يؤنلمه‌يیب. بیزیم موباریزمیز اونلاری ایناندیرماغا يؤنه‌لیب، داها محاربه‌‌ مئيدانیندا قلبه چالماغا يوخ. قئيری-زوراکی موباریزه دونيانین ان گوجلو و آمانسیز قوووه‌لری‌نین بیرلیگینه قالیب گلمه‌يه قادیردیر. سیزه ایسه بریتانیيا دا اولماسا هئچ شوبهه‌سیز کی، باشقا بیر اؤلکه ائله اؤز سلاحینیزلا قالیب گله‌جک. سیز اؤز خالقینیزا گله‌جکده سیزینله فخر ائتدیره‌جک ارث قويماياجاقسینیز.

م. ک. قاندی

Anlam.Biz