دیالوگ

Simin Sebri1سیمین صبری-نین سؤزلرینه گؤره، ایرانین قئیری-فارس بؤلگەلرینده آنا دیلینده مئدیا و تحصیل حاقینین مؤوجود اولماماسی قیز اوشاقلاری و اونلارین عاییلەلرینی معاریفلندیرمه و سوسیال اینکیشاف باخیمدان گئریده ساخلاییر. گونئیلی مدنی فعال آمئریکانین سسی ایله موصاحیبەده ایراندا ائرکن یاشدا ائولندیریلن قیز اوشاقلارینین سایینین یوکسک اولماسینین عآمیللری، ائلەجه ده بو نؤوع سوسیال پروبلئملر ایله ائتنیک آیری-سئچیلیکلر آراسیندا اولان علاقەنی دەیرلەندیریب.


 سیمین صبری گونئی آذربایجانین سیاسی تشکیلاتلارینین قادین حقوقلاری و خوصوصیله ائرکن یاشدا ائولندیریلن قیز اوشاقلاری مسالەسینه کیفایت قەدر دیقت آییرمادیقلارینی موشاهیده ائدیر.

 ایراندا دؤولت قوروملاری طرفیندن یاییلمیش رسمی استاتیستیکایا گؤره، اؤتن ایلین (1392-جی گونش ایلی (ایلک 9 آییندا 30 میندن آرتیق 15 یاش آلتی قیز اوشاغینین ائولندیریلمەسی قئید ائدیلیب.

 سیمین صبری-نین فیکرینجه، بو استاتیستیکا اینسان حاقلاری، قادین حاقلاری و اوشاق حاقلاری ساحەسینده درین بؤحران یاشاندیغینی گؤستریر.

“اوشاقلارین بو یاشلاردا ائولندیریلمەسی اینسان حاقلاری نورملارینا گؤره تجاووزله برابر دەیرلندیریلیر،” دئیه سؤیلەین گونئیلی فعال ائرکن یاشدا ائولندیریلن اوشاقلارین گلدییی عاییله استروکتورو و سوسیال طبقەنین خوصوصییتلرینی شرح ائدیب.

 اونون سؤزلرینه گؤره، اوشاقلارین ائولندیریلمەسی ان چوخ شریعت قانونلاری اساسیندا ائرکن یاشدا ائولنمەیی نورمال سایان آشیری دینچی عائیلەلر، هابئله چوخ سایدا اوشاق صاحیبی اولان و اقتیصادی چتینلیکلر یاشایان یوخسول عاییلەلرده موشاهیده اولونور.

 سیمین صبری ایران اسلام جمهوریتینین سییاستلرینین ده سوسیال بؤحراندا موهوم رول داشیدیغینی وورغولاییب. او، هابئله ایران حاکیمیییتینین اؤلکه اهالیسینین سایینی آرتیرماق ایستیقامتینده یوروتدویو سییاستلره ایشاره ائدیب.

 نوروئژده یاشایان قادین حاقلاری فعالی آنا دیلینده تحصیل حاقی و مئدیادان محروم اولان بؤلگەلرده ائرکن یاشدا ائولندیریلن قیز اوشاقلارینین سایینین چوخ اولماسینا دیقت چکیب.

“بو پروبلئمین اورتادان قالدیریلماسی اوچون قیز اوشاقلاری و اونلارین عآئیلەلرینین معاریفلندیریلمەسی گرکلیدیر. آنجاق، یوخسول بؤلگەلرده آنا دیلینده تحصیل حاقی اولمایان قیز اوشاقلاری مکتبده ده پروبلئم یاشاییرلار. آیریجا، اونلارین عآییلەلری ده فارسجا بیلمدیکلری اوچون تی وی پروقراملاریندان ایستیفاده ائده بیلمیر،” دئیه او بو بؤلگەلرین سوسیال اینکیشاف و معاریفلندیرمه باخیمیندان گئری ساخلاندیغینی قئید ائدیب.

 سیمین صبری گونئیلی تشکیلاتلاری قادین حاقلاری باغلی سوسیال پروبلئملر ایستیقامتینده جیدی و پلانلی چالیشماغا دعوت ائدیب.

علیرضا قولونجو

 

بو یازی یوردنت طرفیندن عرب الیفباسینا کوچورولموشدور. 

 

موصاحیبه نین سسینی بو لینکدن دینله یه بیلرسینیز. 

http://www.amerikaninsesi.org/content/child-marriage-iran/1962431.htm