تجربه جهانی‌

Nelsonآذربایجان ملتی آپارتاید و کؤله لییه قارشی مجادله ائده ن آفریکانین بویوک اولادی نلسون ماندلا نی آنیر!

 

نلسون ماندلا نین ئؤلوم خبری تکجه آفریکا قاره سینی یوخ، بوتون ایره لی جی بشریتی سارسیتدی. بوتون شعورلی حیاتینی گونئی آفریکا اهالیسینین چوخونلوغونو تشکیل ائده ن قارا ده ریلی انسانلارین آزادلیغی اوغروندا وقف ائده ن بو بویوک انسان، ایراندا فارس شوونیزمینین باسقی سی آلتیندا یاشاماغا مجبور اولان آذربایجان ملتی اوچون ده، دگرلی و تحسینه لایق بیر انسان ایدی.

نلسون ماندلا آپارتاید و کؤله لییه قارشی مجادله سینده، ایللر بویو حبسده یاتیب و مختلف اشکنجه لره معروض قالمیشدیر. بوتون بونلارا رغماً او گونئی آفریکانین گله جی یی اوچون حبسده ن چیخار- چیخماز باریشجیل یوللار ایله آغ ده ریلی وطنداشلاری ایله آنلاشماغا چالیشمیش و بئله لیکه بیر ایچ ساواشین باشلانماسینی انگلله میشدیر.

ماندلانین حیاتی و داورانیشلاری او قده ر بویوک و گؤزه ل ایدی کی، بئله اونون دوشمانلاری دا اونا قارشی سایقی گؤسته رمه یه مجبور قالمیشدیلار.

ایران دا ئؤز آنا دیلینی ئؤره نمک ده ن محروم ائدیلمیش، گونده لیک حیاتدا ایکینجی درجه لی انسانلار کیمی یاشاماغا مجبور اولان، ملی ظولوم و هر گون و هر ساعات تحقیره معروض قالان جنوبی آذربایجان ملتی و بو ملتین ملی فعال لاری اوچون، نلسون ماندلا کیمی انسانلار بیر ئؤرنک و بیر سیلاحداش کیمی قیمت لنیرلر. خصوصیله جنوبی آذربایجان ملتینین ملی آزادلیغی اوچون خیلی شهیدلر سیراسیندا، یوزلر سیاسی محبوسین نزدینده 30 ایل حبسده یاتان صفر خان قهرمانی کیمی اولادلاری دا آز اولمامیشدیر

جنوبی آذربایجان ملتی بویوک انسان و آزادلیق اوچون بوتون حیاتینی وقف ائده ن نلسون ماندلا نی اوتوتمایاجاق و ئؤز ملی حکومتی نی بر پا ائده ن ده ن سونرا اونون آدینا آبیده لر یاراداجاقدیر.