دموكراسي

اسماعيل جميلي:Qoyn

سالاسان سالمایاسان!


چیخاجاق بیر یاراماز سن سالاسان سالمایاسان
 
انگی بوش عقلی دیاز، سن سالاسان سالمایاسان

ساغ سولوندان سنه یوخ خئیری یازیق یورما جانیین
توولانیب وئرمه مینیک، بوش سؤزه جیرما تومانین
تزویر ایله قویولوبدور تملی بو بینانین
قانونو ظولمه جواز، سن سالاسان سالمایاسان
 
چیخاجاق بیر یاراماز، سن سالاسان سالمایاسان


اویناییر مرکز اویون، ساخلایا سالخاق نظامین

ایپینی بوشلامایا، جاهل و فاسد عوامین
دین دونوندا سوره چال چاپ ائده تضمین دوامین
زلفعلی دیر باشی داز، سن سالاسان سالمایاسان
 
چیخاجاق بیر یاراماز، سن سالاسان سالمایاسان

ایلمک ایلمک سؤکولور دوولتی جهلین پالانی
آچیلیب اووجو چیخیب، اورتایا چوخلو یالانی
غاصیب وجانی و اوباش ایدی تابع قالانی
هونری قامچی قاپاز، سن سالاسان سالمایاسان
 
چیخاجاق بیر یاراماز، ین سالاسان سالمایاسان

اؤزلویوندن یولا چیخ، وارلیغینین بیر واری اول
ائلینین دردینه قال باغلی دیلین دیلداری اول
یوردونون حالینا یان، اؤز غمینین غمخواری اول
چیخاجاق بیر یاراماز، سن سالاسان سالمایاسان
 
داش قافا کوفلو کؤناز، سن سالاسان سالمایاسان